الشلة المشتلة
أو كما يسميهم حمـــدان \\ ضلّوعي
***
برمس لكم اليوم عن ثلاث شخصييات حقيقية
القدر جمع امبينهم
وخلاهم ربع
حمدان ، فهد ، خالد
وشيء شخصيات ثانوية بذكرها عقب
بعرفكم ع أول شخصية واللي هي
حمدان : إنسان جداً مرح وكوول ع طول عاشق ديو درجة أولى وما ننسى الشوكلييت ماخذ الدنييا لعب
واستهببال ما يزعل من حد قلبه أبيض دوم الناس يفمهونه غلط يعشق شيء اسمه نت وخاصة المسن مستحييل ما يتم بدون سوالف
من صوته العالي تميزه انه هو ما شاءالله عليه
ثاني شخصية اللي هي
فهد : إنسان جداً طيب في حياتي ما شفت أحد بهذي الطيبة سبحان الله سبورتي درجة أولى ممكن تسمونه
ولد امريكاا يعشق امريكا وطاريهاا متحدث توب بالانجلش ما شاء الله عليه عاشق كوك وايس كابتشينوو هادئ وخجول في نفس الوقت
مبتسم تحس براحة يوم تشوفه واحلى ما فيه ما يأخذ ع خاطره من احد
ثالث شخصية اللي هي
خالد : يعشق الوناسة والهدوء يحب الهياتة عصبي مع انه يغلب ع ملامحه الهدوء مزاجي مايروم يستغنى عن
شيء اسمه كمبيوتر ولا نت عاشق بيبسي او نروم نقول كل الغازيات اللي لونها أسود عملي ويحب شغله يكون ع أدق وجه يموت في
شيء اسمه ديزان و تصوير
اممم شخصيياتناا جمع امبينهم الدراسة والكلاس الواحد
من انه كل واحد ف مكان وسبحان الله كلهم يحتلون تقريبا الاماكن الخلفية
حمدان جهة اليمين
خالد في النص
فهد جهة اليسار
كل واحد فيهم له ربعه بس شرات ما ذكرت قبل القدر جمع امبينهم وخلاهم ربع
اعتقد بجييه تعرفتوااع شخصياتناا
****
سيارة حمدانووه تهرن عند باب بيت خااالد حمداان ما وقف الا يوم يه خالد وركب السيارة وهو معصب من حمداانو وحركاته
خالد ( وهو يفتح الباب اللي ورى ويركب ) : افففف حمداانو وبعديين معاااك كل مرة جيييه الييران بيشتكون علييك
حمدان (وهو يحرك سيارته ): والله برايهم هذا وانا منبه علييك الساعه 10 تكون زاهب
خالد ( وهو ينسدح في السيت اللي ورى ويغطي ويهه بالكاب ): تعبااااان كنت سهران مع فهوود ع المسن ورقدت متاخر
حمدان : مشكلتكم هذا فهود دقييت عليه ع طول ظهر بدونه ما يتأفف شراتك
فهد/ كان يالس حذال حمدان جدام ولابس نظارته الشمسية وشكله في سابع نومه
خالد : ياخي مصدع وارفاان وانتوا ما تحلى لكم الطلعات الا الصبح
حمدان : ماشي وقت باجي لنا يومين ع السفر
خالد : اف انزين قصر ع صوت المسجل ابغي ارقد
حمدان/وعناد فيهم الاثنين يرفع المسجل ع الاخييييييييير
فهد / قام متروع وجان يعصب ع حمدان : انت شو سالفتك اليوووم سكر مسجلك خليينا نصخ شوي
(ويعطييه ضربه محترمة ع بطنه)
حمداان : آخخ ما علييه فهوود لو مب اني اسوق جان راويتك
خالد : احسن تستاهل عسب انك خاطف علينا بذلنا بسيارتك
حمدان : خلوود صخ لا افرك برع سيارتي
عم الهدوووء خالد وفهد رقدواا وحمدان يسوق ومتملل دق علييه ربييعه وتم يسولف معاااه لييييييين ماوصل ادنوك
حمدان(ويوعي فهد و خالد ):تبون شيء اييبه معاي
خالد ( من تحت الكاب ): بندول واللي يرحم والديك مصدع بينفجر راسي من الصداع
حمدان : وانت اربع وعشرين ساعه بندوول بطل هالزفت الكمبيوتر ويخوز منك هالصداع
فهد: وانا ييب لي 2 كوك
وسار حمدان يشتريلهم وعقب رد سيارته وكمل طريقه لييييييين وصل دبي
حمدان : اقول يا لاخوان وين تبوونا نسير
فهد (يرفع نظارته الشمسية ع راسه ): امارتس مووول
خالد ( وهويعدل يلسته ) : انا يوعااان ما بسير اي محل ليين ما تريقوني
فهد : مي تو
حمدان ( يتأفف ويلف صوبهم ): اففف هذا اللي يشليهم ويياه يستاهل
خالد (يصرررخخ ): حمداااااااااااااااااان انتبه
فهد/ شهق
حمدان/ يمسك برييييييييييييييييك قوي في نص الشارع
.. زين محد ورانا غير سيارة كان سايقها شيبه بس انتبه لنا ولف يسار
وفتح الدريشة وهو مفول و قال ما ادري منو الثور اللي معطيك
الليسن .. انتم ويه لياسن .. سياكل وبعد وايد عليكم وروح
!!
وحمدان هب مستوعب هالشيبه المخرف شو يقول و ليش خالد صرخ اصلا
فهد ويذر حمداان يوم شافه منصدم : فيك شيء الحمدلله ما استوى ترى الا كل خير
خالد (لاتدورون علي ) :احم ( وعقب فترة برهة سكوت )امم ما كنت ابغييك تدعم القطوة حراام
حمدان / ظهرت عنونه ماظهرت بس كانت بتظهر هااع وبدت ملامح الغضب تظهر ع ويهه
خالد / سكت من الزيغه لاييه طراق محترم من حمداان
وكان المنقذ الوحييد في هاللحظة فهد يحاول يهدي الامور ويسيطر علييها
انتوا شو رايكم مب حرام قطوة مالها ذنب تموت بسبة سرعتناا
يمكن عندهاا عيال صغاار حراام وينه عني حمداانوو يسمعني جاان يدفني في مكاني اونه حراام هااع
ومثل ما يقول المثل :اتقي شر الحليم اذا غضب
ياويل حالي بروحي زايغ
فجأة ضحك فهد بدون سابق إنذار اخخخخخخخ
حمدان/ طالع فيه مستغرب يعني شو اللي يضحك
فهد ( ويأشر ع خلوود ) : حرام علييك حمدانوو طع اشقايل زايغ منك
وضحك حمدان ويااه
خالد ( اطالعتهم اثنينتهم وجلب ويهه ع الدريشة وبصوت واطي ): مالت عليكم
وفي قلبه الحمدلله لك ياربي ، بصلي لك ركعتين حمد وشكر أنك نجيتني من هالموقف )
( مب اكسر الخاطر مسكين حالي هااع هااع هااع وينك يا عبدالرحمن تشوف ربيعك شو استوااابه
.
.
ووصلوا ربعناا إمارات مول وساروا تريقواا بس مب ع حساب
حمدان اللي كلاها خالد عسب اللي سوااه فيهم
دشوا يتريقون في ستار بكس ومن محل ليي محل وهم يفترووون
وعقب ما خلصوا وهم نازلين في السلم المتحرك
حمدان كان متجدمهم بدرجه
ووراه فهد وخالد حذال بعض
.
.
.
.
فهد : تدرون شباب اتخيلوا لو يبت مالي الرولر سكيت اسميني ببدع هني من الخاطر
حمداان : واااو وناسه فهود ليتك يبته اسمييهن الغراشيب كلهن بيون عندناا
خالد : ياريال احلف انته بس وانت الثاني ( ويقصد حمدان ) قال غراشيب قال !!
حمدان ( كان صاد صوب ربعه ويشوف شله بنات توهن طالعات فالسلم المتحرك الثاني ): صوبنا يا حلوو
فهد ( يطالعه بنص عين ويطالع حمدان وين كان صاد ): هذا ما بيعدي اليوم ع خير
خالد : حمدان اصطلب احسن لك وعن حركاتك هاي
!!
حمدان : انجبواا انتوا
( والريال مخترش من الخاطر ما حس في عمره الا ويتخطرف ويطيح من نص السلم لين تحت )
فهد ( زاغ يوم طاح حمدان ) : حمداااان
خالد ( افتشل من الخاطر يوم شاف كل اللي في المول يضحكون ويرمس فهد ): الله يفشله ربيعك ضحك علينا المول كله
فهد ( وضحك ): ربيعي بروحي ربيعك انت بعد
خالد ( ووصلوا نهاية السلم المتحرك) : انا بسير السيارة مالي خص فيكم
( وسار جنه ما يعرف حمدان )
فهد ( وهو يشوف حمدان ما رام يود عمره ): خخخ
حمدان ( وهو متعور ويمشي بعرج ): ما عليه مالت عليكم من ربعك محد يا يفزع لي
فهد : مشكلتك ليش تطالع بنات الناس تستاهل يالهيس
حمدان ( وهو يود ظهره ): اخ يا ظهري حسبي الله عليكم ع ابليسكم
فهد : واحنا شو خصنا والله
حمدان ( وهو يشوف خالد ساير ): ربيعك اللوتي وين ساير
فهد : خلود اتفشل منك وسار صوب الباركنات
حمدان : ما عليه يا خلود دور منو يوصلك بيتكم يالهيس
ووصلوا الربع عند سيارة حمدان وشافوا خالد متسند ع السيارة من جدام يترياهم
حمدان (طالع خالد بنص عين) : عيل انا تتفشل مني يا الهيس دور حد يردك بوظبي
خالد ( وهو مكتف ايدينه ): عيل بذمتك طول بعرضك ما تروم تتوازن وتطيح في نص المول ما اروم استوعب انك طحت الحمدلله محد يعرفنا هني
حمدان ( ويود ظهره ويتأوه ): اه اسكت خلوود وربي متكسر ما اروم اسوق
خالد ( سار عنده ): انزين لا تتفلسف ويب السوييتج
حمدان
(فر عليه السويتج وبطل الباب اللي ورى وركب )
فهد ( يوم شاف خالد انه بيسوق رفع حياته وسأله ): الحينه انه بتسوق ؟
خالد ( يبتسم وينزل نظارته الشمسية من ع راسه ): شو رايك انته ؟
فهد ( ومول مب عايبتنه الفكرة ): يب انا بسوق انته متهور
خالد ( وهو يذر فهد بالخفيف ويبطل له الباب ): فهود دش دش انا اللي بسوق
ركبوا الشباب وشخط فيهم خالد
حمدان : خلود يا النذل خفف السرعه مب سيارتك عسب تسوي فيها جييه
خالد ( يضحك ): ههه اكيد حمدانووه عيل سيارتي تباها تخترب وهي توها من نازلة من الوكالة
( ويغمز له )
فهد : خلود عن مصاختك خفف مو بايعيين اعمارنا نحن
خالد ( وهو يخفف السرعه ): اوكيه اوكييه هذا خففت السرعه ( ويرمس عمره ) ابدا ما فيكم روح الشباب شيبان
حمدان ( وسمعه ): اذا جييه روح الشباب ما نباه خلييك لك
فهد : صدقه حمدان
خالد : كيفكم
مشوا ربعناا في طريقهم للعودة الى ديارهم في العاصمة وعم الهدوء فالطريق حمدان كان شبه راقد عقب الطيحة المحترمة اللي طاحهاا
وفهد مسترخي وحاط الـ ام بي 3 وخالد يسوق بهدوء غير معتاد وشوي بدا يسوق خفيف ليين ما وقف السيارة ونزل
وع صكت الباب انتبه له فهد ورفع نظارته الشمسية ع راسه ومستغرب ليش خالد صفت السيارة ع الينب
ووطلع لف راسه يبا يسأل حمدان شاف حمدان في سابع نومه من التعب وتم
يراقب خالد شو يسوي كان متسند ع السيارة من جدام وشكله يطالع فراغ
ونزل فهد يشوف شو السالفة فهاللحظة دق تيلفون خالد
خالد (ويظهر تيلفون من مخباه ): هلا عبدالرحمن
فهد
( وقف حذاله يتريااه يخلص )
خالد (ابتسم يوم شاف فهد ورد يكمل مكالمته ): اكييد ومنو غيرك يا ريال هههه حبيب البي والله
تسلملي فديتك ان شاء الله يوم ارد برمسك واقولك
وين المكان اوكيه يا حلو حافظنك ربي
( وبند من عبدالرحمن ورد تيلفونه في مخباه وتنهد )
وعقب فترة سكوت
فهد : شو بلاك خلود ؟
خالد ( يغمض عيونه ): مافيني شيء
فهد (يطالعه ): علي خلود مبين فيك شيء شسالفه ؟
خالد
(تم ساكت عقب فتح عيونه ويطالع جدام بحده جنه تذكر شيء يحاول يتناساه ): تدري فهد (وسكت )
فهد : اهمم
(يترياه يكمل )
………..خالد ( وع نفس الوضعية ): في هذا الشارع وقبل 3 سنين كنت اسوق مسرع و
( قطع عليهم سالفتهم صوت حمدان مظهر راسه من الجامة مالت السيارة)
حمدان :يعلكم ان شاء الله هذا وقته وقت سوالفكم يلا
خالد ( ابتسم بهدوء وربت ع كتف فهد ): يلا فهود مافيني ع حشره ربيعك
فهد
(مستغرب شسالفه اللي مخلييه خالد جييه شكله شيء قوي وسار يركب السيارة )
واحتشر عليهم حمداان ليش موقفيين والحيينه المفروض يكونون في البيت
وعقب اقل من 45 دقيقة كانوا واقفين عند بيت فهد نزل فهد ووقف حذال جامة خالد اللي كان منزل جامته ويرمسهم
فهد: يلا دشوا اتغدوا وياي
خالد : سوري فهود انا عن نفسي مدوخ وابغي ارقد عدل والمغرب مواعد عبدالرحمن عندي جم شغله بخلصهاا
حمدان : وانا ودي بس الهوى ضدي متكسر وااايد بسير اريح
خالد : يلا فهود مرة ثانية ان شاء الله
فهد : اوكييه قايز
خالد : مع السلامة
فهد : الله وياكم
وسار خالد وصل حمدان بيتهم
خالد : انزين يالذكي منو بييب سيارتك ؟
حمدان ( وهو يبند الباب وينزل ): بطرش لك اخويه ييبهاا ( وهو يود ظهره ) خلود كنت بقولك حياك بس مو فايج لك اجلب ويهك بيتكم
خالد ( وهو يضحك ): ما علييه يالهيس
ودش حمدان بيتهم وراح خالد في طريقه
.
.
.
اليوم الثاني في الصبح في بيت فهد
فهد( ويرمس في تيلفونه ): ما ادري يا راكان انت تعال عندي وعقب يستوي خير
وانا بدق عليهم وبشوف كيف الترتيب ع باجر وفي سيارة منو بنسير
.
.
.
في الميلس في بيت خالد
خالد :ظنك عبدالرحمن تكفينا السيارة ويا اغراضنا
عبدالرحمن : ليش شو شالييين البلاد كلها الا كل واحد عنده هاند باق وسيارتي تسد
خالد : اممم ما ادري يمكن حد من اخوانهم بيسرون وياهم ولا ربعهم
عبدالرحمن : انزين دق ع حمداان اسأله
ودق خالد ع حمداان : افف ما يرد اكييد راقد
عبدالرحمن ويطالع ساعته : شو راقد يا ريال الساعه 11 ونص
خالد ( توه بيرمس الا يدق تليفونه وكان المتصل حمدانوه ):وينك يا ريال
حمدان : ياخي في العيادة
خالد : سلامات يا ريال بعدها طيحة البارحه تعورك هههه
حمدان: خلود يا النذل تستهبل علي ما عليه اراوييك
خالد : ههه انزين يا ريال نسيتني ليش كنت داق علييك
حمدان :اول شيء وينها سيارتي
خالد : سيارتك برع حذال البيت
حمدان : لا يا النذل مخلييها فالشمس اكيد احترقت
خالد : ههه عيل وين احطهاا سيارتي في الكراج
حمدان : صج نذل
خالد : ههه قاضب لي نذل من الصبح لا تخاف حطيتها في الكراج الثاني انزين اسمع باجر مع منو بنسير المطار ؟
حمدان : اممم ما ادري احيد فهد قالي بيودييه راكان
خالد : انزين عبدالرحمن يقول شو رايكم نسير وياه وعقب يرد هو ويا راكان سيارة عبدالرحمن عوده وتشيلنا كلنا مع الاغراض
حمداان : انا ما عندي مانع اتخبر فهود
خالد : اتحرييت عندك دواس هع
حمدان : خخخ بايخه وياويهك
خالد : فديته ويهيي يلا اقلب ويهك بسير ادق ع فهد
حمدان : ههه اوكيه يلا باي
خالد : باي
دق خالد ع فهد وما عارض الفكرة
^
^
اليوم اللي عقبه الساعه 7 ونص المسا
الكل كان في سيارة عبدالرحمن
طبعا عبدالرحمن يسوق سيارته وحذاله خالد
والسيت اللي ورى راكان ورى عبدالرحمن وحذاله فهد وحمدان ورى خالد والاغراض في الدبة
وكانت السيارة حشرة الكل يسولف ويرمس
هذا غير المسجل
خالد (عصب ): افف صخواا شوي سندرتوا راسي محد بيسافر غيركم
عبدالرحمن : ههه ياريال بلاك
حمدان : والله كيفنا انته ليش محتر
خالد (يطالع حمدان من المنظر اللي جدام بنص عين ): احتر ع شو ؟ ماشي شغله
راكان : ههه شو بلاك خلود ساير عند الشقر المفروض تستانس
فهد ( ويضحك ): رااكاني هذا شريف مكة تقوله شقر
راكان (يضحك ): يا ريال صج خخ
حمدان : هذا من يشوفون ويهه بيخترعون
عبدالرحمن :يلا عااد مو ع ربيعي تراني ما أرضى
خالد ( يبتسم ): احم هاي الناس اللي تفهم
.
.
.
ووصلوا ربعنا المطار وخلصوا اجراءاتهم وسلموا ع عبدالرحمن وراكان ودشوا داخل عقب ما خلصوا جوازاتهم
دشوا يتحوطون في السوق الحرة ع بال ما يزقرون ع طيارتهم المتوجهه إلى لندن
.
.
.
فاحدى المحلات فالسوق الحرة
خالد : لوسمحتي ممكن اشم هالعطر ؟
الموظفة :لحزة ازا بتريد
خالد : اوكيه
( ولف خالد يدور ربعه ما حصلهم ويرمس عمره وين ساروا هذيل )
.
.
.
حمدان: ههه اسمييه خلود بتم يدور عليناا
فهد : دامك صاحب الفكرة اتحمل اللي ييك
حمدان: ياريال خلنا نتمشى قبل البارحة مطييحيين فالمول ما سدكم لازم 24 ساعه مشترى
!!
فهد : انزين حد يتمشى فالمطار ع بالك الكورنيش
!
حمدان: حلوة فهود بس لاتعييدها مرة ثانية تخبر ياريال اول مرة اسافر بالطيارة
وابغي اتطقس عدل عسب اذا حد سألني اتفلسف علييه عدل
شو عبالهم حمداانوه احم مب شوي
فهد : اقول حمدااانوه ياشين التفلسف بس
حمدان: عسب تعرف ربيعك مب شوي ( ورن تيلفونه فهاللحظة ) اوييه خلود ( ويبتسم ) فهود شو رايك اسوي فيه مقلب
فهد : رد ياريال لا ياكلك بعد بتسوي فيه مقلب
حمدان: اشش والله لا ارواييه عيل اطوف مقالبه ( ويغير صوته ) نعم
خالد ( فخاطره نعامه ترفس اليهود ): حمدان ؟
حمدان : منو حمداان
!!
خالد( وينافخ افف ): انته احمدان ولا لأ ؟
حمدان : أكييد لا
( خالد بند فويهه )
فهد : ههههه تستاهل اصلا تحصله محرج وياي تستهبل عليه حضرتك
( ورن تيلفونه )
هلا خلود لاااا نحن حذالك جرييبيين المحل اوكيه دقايق ونحن عندك باي
حمدان : وينه
فهد : حذال المحل اللي كان فيه
.
.
.
خالد
( واقف يتريا ربعه )
من وراه حمدان : بووه ههه
خالد ( اتروع بس ما بين ): عمى في عين العدو
حمدان : امييين ههه
خالد : وين سرتوا حضراتكم ؟
حمدان ( يستهبل ): اممم فهود وين سرنا جزر الهاواي ولا المريخ ؟
فهد : هههه امم اعتقد سرنا كوكب بلوتو اذا مب غلطان
خالد ( ويدش وياهم فالخط ): لااااه زين والله كان شيليتوني وياكم
حمدان ( ويطالع فهد ): اممم ماشي مكان خلوود يالله المكان سدنا
خالد : خاين ما الومك المفروض تبدي ربيعك ع نفسك
حمدان : سير زييين
خالد : هههه نذل من يومك
فهد : توك تعرفه هذا من يومه جييه ( ويسمع يزقرون ع طيارتهم ) يلا يلا يزقرون عليناا
ساروا الربع للبوابة المؤدية إلى جناح المملكة المتحدة عن طريق طيران الاتحاد
وعقب فضت الطيارة من المسافرين العائدون ركبوا المغادورن إلى لندن
في داخل الطيارة ارقام المقاعد مالت ربعناا كانت في النص حمدان فالنص وع يمينه فهد وع يساره خالد
فهد : اففف شو هذا انا ابغي حذال الدريشة
خالد : حتى انا الحينه هالمضييفيين بيسندرون راسي راييحيين يايي
حمدان : انجبوا انتواا احلى شيء شيء أفلام اسميني بتونس ونااسة يا محلات هالطيران بس
خالد : صج ما عندك سالفة هاللي همك
حمدان : طبعاا عيل 7 ساعات شو بسوي فيهم
خالد : انزين طالع وانت ساكت
فهد : خلود شو بنسوي الحينه ابغي حذال الدريشة ؟
خالد : اممم ما ادري ان شاء الله الطيارة ما تكون فل عسب نبدل اماكنا
فهد : ان شاء الله
.
.
واقلعت الطيارة ومن حسن حظ خالد وفهد انه الطيارة ماكانت فل وبدلوا اماكنهم حذال الدريشة واتضاربوا ع المكان
فهد : خلود انا قلت قبلك
خالد : ما يخصي فهود ماشي مكان حذال الدريشة الا هذا
so:فهد
انا قلت قبلك يعني المكان لي
خالد : ماعليه فهود اطوفها لك هالمرة بس
فهد : ادرييبك طيب خلود
خالد : قردن قردن فهود بس لانك قلت قبل بخلييه لك هالمرة
حمدان كان في قمة الوناسة مسترخي ويشوف الفليم وطنش
ربعه وحاط السماعات ع ذنييه وفالها فله ويضحك لانه الفليم كان كوميدي
خالد : اففف شو هالملل ؟
فهد : بعدك ع الملل حتى ساعه ونص ما استوالناا
خالد :شو ان شاء الله بتم 7 ساعات جييه متسندر ع الكرسي
فهد : شو تبا تسوي عيل ارقد احسن لك
خالد : ياليتني يبت اللاب ع الاقل اتسلى شوي
فهد : لاحق علييه عنبووه اشتكى منك فارجه شوي
خالد : ما اريد ( وسكت شوي وقال ) انزيين بما انك اربيعي انزين مجبور تسليني لين ما نوصل لندن
فهد : يا ريال فاضي لك انا برقد
خالد : فهود تحلم اخلييك ترقد دام اني واعي
فهد : شو تباني اسويلك ؟
خالد ( يفكر ) : اممم اي شيء خبرني قصص مغامرات اي شيء
فهد: شايفني ماماتك اجلب ويههك خلود فيني رقاد من البارحه سهران
خالد: اف انزين
فهد رقد وتم خالد يتجلب يمين ويسار ما ياه رقاد
وقام يشوف حمداان سار مكان حمداان ما حصله فجأة يبطل عويناته ع كبرنهن
خالد : لا يالهيس يا حمدااان جيه السالفه عيل
.
.
.
( سار خالد عند حمدان وييره من اييدينه )
حمدان(وهو يضحك ): خلوود بلاك ؟
خالد : لا والله ما تباني اييب لك قهوة وشاي تتكيف فالسوالف بعد
حمدان(بضحكة ): شو فيهاا ياخي خلني اسولف
خالد: طوف جدامي قال خليني اسولف هذا ونحن بعدنا ما وصلنا لندن
وداق سوالف مع المضيفة وماخذ راحتك باجر شو بتسوي لنا فلندن
(ردوا خالد وحمدان كراسييهم وعقب ساعتين وعى فهد وانضم لهم )
.
.
.
فهد : ياخي شو هذا متى بيبون ريوقهم
حمدان : بسير اخبرهم
(وقام بيوقف الا ايد خالد تمنعه )
خالد : وين ساير ؟
حمدان : بسير اقولهم ييبون لنا ريوق يواعى
خالد ( ويشوف ساعته ): الحينه بيبونه انثبر مكانك انته بس
حمدان: فهود شف ربيعك
فهد : خلوود اشفييك ؟
خالد : افف ما فيني شيء مصدع حدي وربيعك هذا ما يعرف يقر مكانه ازعجني
فهد : امم حمدانووه شو مسوي له اعترف
حمدان ( ببراءة ): انا ما سويت شيء
خالد : اييه مرة برئ انت شو تسوي ما تسوي شيء (ويرمس فهد ) ياخي يالس يدق سولف ويا المضيفة وماخذ راحته
حسيت كل اللي الموجوديين يطالعونه قص ويهيي
فهد : اخ عليييك من بدايتهاا
حمدان : انتوا مكبريين السالفه وهي ما تسوى
.
.
.
( وعقب 3 ساعات وصلت الطيارة لمطار هيثروو الدولي وعقب ما خلصوا شبابنا من الاجراءات )
حمدان : هاا شباب تبون نتمشى فالسوق الحرة ؟
فهد : شو رايك خلود ؟
خالد : لا مابا ياخي تعباان ودي ارقد ما شفت الراحه فالطيارة قال نتمشى
(وظهروا من المطار وخبروا التاكسي ع عنوان شقتهم ودشوا الشقة المفروشة اللي كانت عبارة عن حجرتيين وصالة وحمام ومطبخ)
حمدان : حجرتيين بس وحجرة نوم وحده كيف بنرقد كلنا
خالد ( هلكان حده ): انا مايخصني بسير ارقد واللي يوعيني ياويله بيكره حياته صدقوني ان شاء الله ارقد سنة كاملة
فهد : بل سنة كاملة بتخيس مكانك
خالد :احسن
حمدان : هييه نحن يايين نستانس مو يايين نرقد
خالد : اجلبوا ويههكم مب فايج لكم انا بس براويكم يوم اصحصح
( ودش يرقد وبند الباب وراه)
.
.
.
( وتم فصاله حمدان وفهد يلسواا ع الصوفاا )
فهد : انته مافييك رقااد ؟ مول تراك مارقدت فالطيارة
حمدان : ويين ييني الرقاد وانا في بلاد الشقر اسميني فيني طاقة ما اعتقد تخلص لازم اطلعها كلهاا
فهد : ههه انزين دامك فيك طاقه قوم بنبدل وبتمشى
حمدان : يلا وخلي هالهيس خلود راقد
.
.
.
( وبدلوا وظهرواا وراحوا الكافييه اللي جريب ع الشقة شربوا كوفي وساروا يتمشون فالشوارع )
فهد : يا حلات الهدووء ياخي تحس الاجانب ناس عملييه وهادية وايد
حمدان : ما عندهم سالفه الا 24 ساعه شغل حلاته الواحد يحس عمره عايش يطلع يستانس
فهد : 24ساعه هياته انزين جيه وجيه حمداان شوف شوف ( وكان يقصد شاب يتزلج بالرولر -سكيت ) ليتني يبت
الرولر مالي من الشقة ويلست العب هني دام الهايد بارك عدالناا
حمدان : ياريال لاحق الا شوف الشقر يردون الروح
فهد : انجلع من زينهم عااد شوف الغوى الخليجي يرد الروح كييف
حمدان : آآآه اسكت يا فهودد ذكرتني فيهم
( وكلموا الشباب سوالفهم وماردوا الا وحده الظهر ووياهم غداهم )
حمدان ( وهو يدخل المفتاح مال الشقة ويبطل الباب ): ههه فهود ياخي والله انك عجيييب
فهد (يضحك ): شو ع بالك خخ (فجأة سكت ) اشش حمدان تسمع
حمدان(مستغرب ): شو ؟
فهد : لحظة (ويحط راسه ع الباب ويطالع حمدان) شكله صوت خلوود ويهاوش حد
( حمدان ويبطل الباب بسرعه ويدش ويدش وراه فهد ويحط الكيس
مال الغدى فوق الطاولة فالصاله وطيران ع حجرة النوم )
حمدان : انزيين اشفييك ؟
خالد ( وهو منسدح ع الشبريه ومتلحف وحاط المخدة ع راسه مايبين فيه شيء ) : مافيني شيء ممكن تتكرموا وتظهرون ابا ارقد
حمدان (وسار صوب الشبرية وسحب اللحاف ع خالد ) : مب قبل ماترمس صوتك واصل لاخرالدنيا تهاوش منو ؟
فهد ( ويه وقف حذال حمدان ): اشفيك خلوود صدقه حمدان صوتك واصل ليين برع
خالد ( تعدل في يلسته وتأفف وظهر تلفونه من تحت المخدة وفره ع حمدان ): شوفوا ما دري منو معطي رقمي
لوحده غبية كل شوي تدق حشرتني الله يحشرهاا
وسبيتها وبندت في ويهها ما خلتني ارقد يعلها ما تشوف الرقاد ابد
حمدان ( ويطالع فهد ونقعوا ضحك )
خالد ( بنص عين يطالعهم ) :ما قلت شيء يضحك ولاتدرون انا الغلطان اللي اسولف وياكم
( وشل لحافه ومخدته وخطف من جدامهم وساير الحجرة الثانية )
فهد ( وهو يرفع صوته ): انزين ما تبا غدا ؟
خالد ( لف عليه ): ما ابغي اتسمم ابغي ارقد تفهمون عربي انتوا ولا لأ
ورفع صوته ) ابغيييييي ارقد يانااااااس ارقددد)
فهد : ههه انزين فهمناا قصر حسك ازعجتناا
(وسار خالد يرقد وفهد وحمدان راحوا تغدوا وبدلواا وساروا يرقدون في
حجرة النوم وبما انه الشبرية تشيل شخصيين رقدوا ويا بعض )
.
.
.
خالد (وعى من رقاده وفر اللحاف من عليه ويرمس عمره) : اخ ظهري شو خلاني ارقد ع الارض
( وقام وهو حاط ايده ع ظهره وطلع للصالة محد كان موجود فيها والمكان هادئ غريبة وينهم هذيل )
ويشوف ساعته الساعه وحده ) اف ع توقيت الامارات هاي بعد )
ورد الحجرة اللي كان راقد فيها يدور فونه وقته هذا وين حطييته
وعقب تذكر انه فره ع حمدان ودش عليهم الحجرة يبا فونه الا ويشوفهم راقديين
في سابع نومه كتف ايدينه خالد ع بعضهن ) الحينه انا راقد ع الارض )
(وحضراتهم محتليين الشبرية ومرتاحيين في رقادهم وفجأة خطرت ع باله فكرة شيطانية وضحك بصوت واطي )
انا بروايكم منو خلوود
.
.
.
حمدان
( وشهق شهقة قوية )
فهد ( ما اكان احسن منه ) : شو هذا ؟
وهني ضحك خالد باعلى صوته : خخخ شو رايكم شور فوق الشبرية وباااااااااااااااارد ما احب اتعبكم
يا ضلوعين تقومون تتسبحون يبت لكم السبوح لين الشبرية وغمز لهم
حمدان ( عصب ليش خالد جب علييهم الماي وهم رقوود ) : خلووووود يالكرييه وربي اني ما اعيدها لك
فهد ( يتأفف ): خلود يالزفت شو المصاخه ؟
حمدان (اطالع فهد ): قوم خلنا نأدبه ؟
فهد ( فراللحاف من علييه ): يلا
خالد ( اول ما سمعهم شرد ): حراام مايستوي 2 ع 1 ظلم وربي
(وشرد يربع فالصالة )
حمدان ( يربع وراه ): انا بروايك كيف الظلم يالهيس
خالد: فهووووود دخيلك فزعتك من ربيعك المتوحش
.
.
.
يتبع في الحلقة القادمة مسكيين خلود يا ويله من ربعه
